Дзівосы роднай прыроды

У гэтую кніжку ўвайшлі лепшыя творы пісьменніка з яго папярэдніх выданняў, а таксама новыя апавяданні і казкі. Кароткія гісторыі Я. Галубовіча – трапныя назіранні за жывёламі, дрэвамі, кветкамі ў іх натуральным асяроддзі. Аўтар піша з душэўнай цеплынёй пра тое, што сам добра ведае, што яму пашчасціла ўбачыць на ўласныя вочы. Ён адкрывае маленькім чытачам лясныя таямніцы, вучыць дапамагаць звярам і птушкам, якія трапілі ў бяду, знаёміць з лекавымі раслінамі. Героі яго твораў – вавёркі, барсукі, зайчыкі, кажаны, снегіры, курапаткі, зелянушкі, сінічкі, мурашы, стракозы... Назіранні размеркаваны па сезонах. Дашкольнікі з задавальненнем паслухаюць казкі і апавяданні пра дзівосы прыроды, калі ім пачытаюць дарослыя.

Настаўнікі малодшых класаў могуць парэкамендаваць гэтую кнігу вучням для пазакласнага чытання, выкарыстаць нарысы Я. Галубовіча на ўроках па прадмеце “Чалавек і свет”, выбраць фрагменты тэкстаў для дыктантаў.