Літаратурнае чытанне

Прапанаваныя тэставыя заданні распрацаваны да твораў кожнага тэматычнага раздзела вучэбнага дапаможніка “Літаратурнае чытанне”. У адпаведнасці з патрабаваннямі да правядзення праверкі ўзроўню сфарміраванасці чытацкіх уменняў вучняў усе тэсты складаюцца з пяці заданняў, якія падаюцца ў парадку іх ускладнення ад першаснага ўспрымання твора да разумення яго асноўнай думкі. Заданні прадстаўлены ў трох раўназначных варыянтах, якія настаўнік па сваім жаданні можа выкарыстаць для размеркавання паміж вучнямі. 

Змешчаныя ў дапаможніку заданні могуць выкарыстоўвацца адасоблена ў працэсе арганізацыі працы з творам на ўроку вывучэння новага матэрыялу, а таксама для правядзення паўрочнага кантролю ў выглядзе дыферэнцыраванага індывідуальнага ці франтальнага вуснага або пісьмовага апытання на этапе праверкі дамашняга задання.

Дыдактычныя і дыягнастычныя матэрыялы серыі “Кампетэнтнасны падыход” уяўляюць сабой дадатковы матэрыял да дзеючага ВМК па літаратурным чытанні для ІV класа, які настаўнік можа скарыстаць на ўроках для дыферэнцыяцыі навучання, на факультатыўных, стымулюючых занятках, у пазавучэбнай дзейнасці пры падрыхтоўцы да інтэлектуальных конкурсаў і алімпіяд. Дапаможнік адрасуецца настаўнікам пачатковых класаў.

Дапаможнік для настаўнікаў устаноў агульнай сярэдняй адукацыі з беларускай і рускай мовамі навучання Рэкамендавана Навукова-метадычнай установай “Нацыянальны інстытут адукацыі” Міністэрства адукацыі Рэспублікі Беларусь.