Пачатковая школа №3, 2022

Традыцыйна ў сакавіцкім нумары прапануюцца матэрыялы для правядзення выніковага кантролю на ўроках беларускай і рускай мовы, беларускага і рускага літаратурнага чытання, матэматыкі і прадмета “Чалавек і свет” – для школ з беларускай і рускай мовамі навучання. Усе работы таксама змешчаны ў мультымедыйным дадатку ў выглядзе картак.

Артыкул рубрыкі “Новае ў змесце пачатковай адукацыі” прысвечаны аналізу інструмента еPIRLS, які вывучае якасць чытання і разумення онлайн-тэкстаў навучэнцамі IV класа.

У мультымедыйным дадатку – карткі і мультымедыйныя прэзентацыі да артыкулаў; дэманстрацыйны матэрыял да ўрокаў 25–28 вучэбнага дапаможніка “Беларуская мова. 1 клас”; наглядны матэрыял да праекта “Словы роднай мовы” (тэмы: “Вуліца”, “Расліны”).