2025

У часопісе “Буся” № 3 вы знойдзеце вершы пра Дзень Незалежнасці, пра летнюю пару, загадкі пра летнія месяцы.

Яшчэ ў гэтым нумары вас чакаюць заданні, казкі пра цікаўны дожджык, сяброўства Зайца і Вожыка і, канешне, пра мядзведзіка Мішку, а таксама падборка твораў пра васілёк, прыродны сімвал Беларусі.

Паспрабуйце завучыць на памяць верш “Васількі і матылькі” Іны Фраловай і расфарбаваць размалёўку да яго!

З часопісам “Буся” прыемна і пазнавальна бавіць час у летні перыяд! 

У часопісе “Буся” № 2 вы знойдзеце вершы пра надыходзячыя святы: Дзень працы і Дзень Перамогі, пра дзяржаўныя сімвалы краіны.

Працягваем аповед пра прыродныя сімвалы Беларусі. Цяпер гэта зубр. У часопісе змешчаны пра яго цікавосткі, вершы, загадкі, ёсць размалёўка. Дзякуючы маляванцы вы наву́чыцеся маляваць зубра.

Не абмініце ўвагай казку “Не шукай запаветны край!”, загадкі пра дзівосныя планеты Сонечнай сістэмы і іншае. З гэтага нумара пачынаем серыю выхаваўчых казак пра мядзведзіка Мішку. Сачыце за часопісам!

І самае чаканае для нашых маленькіх мастакоў — вынікі конкурсу. Віншуем пераможцаў!

Няхай “Буся” стане добрым сябрам, з якім прыемна і пазнавальна бавіць час!

У № 4 часопіса “Буся”знойдзеце:

Хутка 1 верасня, і школа чакае вучняў — пра гэта вершы Г. Дрык і Л. Кебіч.

Л. Кебіч у сваім вершы распавядае, чым карысна кніга.

Наступны прыродны сімвал Беларусі, пра які змешчаны ў часопісе творы Г. Аўласенкі, М. Чарняўскага, М. Пазнякова, Н. Момлік, Н. Пыжык і іншых, — канюшына.

Вас чакаюць вершаваныя задачкі ад С. Бельскай.

Г. Скаржынская-Савіцкая прапаноўвае новую казку пра Мішку. Чытайце з асалодай!

Лета ў серванце… Як яно туды трапіла? М. Янчанка дасць адказ.

Абавязкова праверце сваю ўважлівасць пры выкананні прапанаванага задання і малявання канюшыны.

З часопісам “Буся” прыемна і пазнавальна бавіць час!

Паважаныя чытачы!

Як і абяцалі, у 2025 годзе “Буся” будзе распавядаць пра прыродныя сімвалы Беларусі. Першым, вядома, стаў бусел. У часопісе вы знойдзеце пра яго вершы, апавяданні, загадкі. Наву́чыцеся яго маляваць, даведаецеся, дзе можна ўбачыць скульптурныя кампазіцыі з выявай бусла. “Буся” падрыхтаваў вершы пра надыходзячыя святы: Дзень абаронцаў Айчыны і Узброеных Сіл, Дзень жанчын, Міжнародны дзень роднай мовы.

Знойдзеце творы пра надыход вясны і інш.

У часопісе з’явіліся новыя рубрыкі: “Вучым на памяць” і “Урокі дабрыні”. Звярніце на іх увагу!

Няхай “Буся” дапаможа вам прыемна і пазнавальна бавіць час!